أخر الاخبار
...
...

تمازيغت

أخبار جهوية

أخبار وطنية

أخبار محلية

أخبار العالم

MELILLA

الفن والذاكرة

البيئة

الاثنين، 8 سبتمبر 2014

الحقاوي تعتبر شاكيرا عاهرة رغم تخصيصها 30 مليون دولار للمدارس ببلدها




وخا شاكيرا خاسرة 30 مليون دولار لتأسيس مدارس وجامعة للفقراء ببلادها وعندها 140 ف الذكاء و كتهضر ستة لغات، ومع ذلك هي غي عاهرة عند بسيمة الحقاوي

سنوات ومشروع الإسلام هو الحل كان ديما مطروح كمشروع بديل لي يقدر ينقذ البلاد والعباد مما ترزح فيه، فالغالب مكانتش عندهم شي خطة واقعية منطقية، لأن فكرهم محصور فقط فإرضاء الله عبر محاربة الفساد، موليات المينيات والتضييق على الحريات الفردية والعامة وملي غادي نديرو لله خاطرو غادي يرضى علينا ويرزقنا من حيث لا نحتسب. 
للأسف حزب لامبة الممثل الوحيد لله وسط الأحزاب السياسية الأخرى واخا هاهو على رأس الحكومة إلا أنه محاربش الفساد لدرجة ترضي الله وملي تحنسرنا لجأ للبنك الدولي أو صندوق النقد الدولي(مكنفرقش بيناتهم) من أجل انقاذ الموقف عوض اللجوء لله والدعوة الى صلاة إستخارة جماعية، أو صلاة الإستسقاء واخا راه فالوقت لي شدات الحكومة العاقة كون ستاجب ليهم الله على الشتا وطاحت فراه غادي يستافذ منها غي الكيف فهاد الوقت. 
حنا ولفنا معاهم هادشي وعارفين ماغادي يزيدو ماغادي ينقصو، فالنهاية سيدنا هو كولشي فالبلاد، وزينة للبلاد أنهم يحكمو، باش نتسناو فايتين الديمقراطية الأمريكية، راه كولشي حكم عندنا ها الإسلاميين ها اليساريين ها التيكنوقراط، وطبعا ديما كيتدخل سيدنا كمنقذ من السماء، سيدنا الملاك الحارس، وطبعا هادشي كيزيد يكرس وجوده الضروري فالحياة العامة، وكيخلينا نفقدو الثقة التامة فالسياسيين ديالنا بجميع أطيافهم، مادام سيدنا هو لي حاكم لاش لايقة هاد الإنتخابات وهاد الحكومات المتعاقبة، ورغم كل هذا يصر صحاب لامبة إلى أن يحصو علينا منجزاتهم الحضارية في كل مرة، وهم يحصونها يطالبون منا عبر نبرات صوتهم بأن نشعر بالإمتنان اتجاههم لأن لولاهم لوقعت الكارثة،(هادشي لي قال بنكيران). 
كاملين عاقلين على آش دارو لخوانجية نهار طلع السيسي، وكاملين عاقلين على تصريحاتهم ومواقفهم،وكاملين عاقلين على المواقع العامة كيفاش تطلات بديك الصورة لي فيها ربعة ديال الصباع، هادشي كلو عاقلين عليه، ولكن الخوانجية آفتهم النسيان، بدا من الوزيرة بسيمة الحقاوي لي وصفات شاكيرا بالعاهرة التي ترقص عارية، علما أن شاكيرا أشرف و أعظم وأنبل وأرقى وأذكى ألف مرة بزاف، السيدة خاسرة 30 مليون دولار لتأسيس مدارس وجامعة للمتفوقين الفقراء ببلادها وموفرة ليهم كولشي، السيدة عندها 140 أي كيو، وستة لغات، ومع ذلك ولات غي عاهرة في قبة برلماننا لي معرفناه لاش صالح واش قبة تشريعية وللى آخر محاكم التفتيش لي كتحاكم فيها الناس أخلاقيا، طبعا بسيمة نسات هادشي ملي تعرضات للعرس الحكومي وغنات جي سي جي غي بكرصون وهانية، وكذلك الرميد وبنكيران وأغلبهم. 
ولكن الواعر فيهم هو أفتاتي طبعا، فتصريحاته الأخيرة حول زيارة السيسي للمغرب، كان أكثر سوفسطائية من كل المرات السابقة، السيد جمع وطوا وقاليك هو مع مصلحة البلاد ومع الحوار ومنعرف شنو آخر، في تنكر واضح وصارخ لشهداء ميدان رابعة، ولإخوة العقيدة القابعين في سجون السيسي، وملي هاكة القضية الا طبعنا مع سيسي نطبعو حتى مع إسرائيل آشنو الفرق.









مواضيع مشابهة :

ليست هناك تعليقات :

إرسال تعليق

جميع الحقوق محفوظة ©2013