أخر الاخبار
...
...

تمازيغت

أخبار جهوية

أخبار وطنية

أخبار محلية

أخبار العالم

MELILLA

الفن والذاكرة

البيئة

الثلاثاء، 18 نوفمبر، 2014

المصريون يستفيقون من سباتهم بحثا عن الهوية: "مصريون ولسنا عرب"



أولاً خليني أوضح "الواضح" و أقول أن مش عيب أننا نكون مش "عرب" ....مفهاش تقليل لأخوانا العرب خالص و لكن الموضوع ببساطة أن أصلنا و هويتنا ليست عربية و هم أول من يعلموا ذلك .....هويتنا "مصرية" ...كون أننا بنتكلم عربي لا يجعلنا عرباً ...الا و كان كل من يتكلم الأنجيزية "أنجليزي" ......و يبقي بتوع نيجيريا أنجليز و بتوع الكاميرون فرنسيين!!!.....نحن ليس عرب و لا نمت بصلة لهم ....العرب هم أهل الجزيرة العربية و تحديداً أصلهم من اليمن .....أما نحن فمصريين ....عشنا و ترعرعنا حول نهر النيل في بلدنا مصر منذ ألاف السنين ....صنعنا حضارات و أنجازات في وقت كان العرب و غيرهم في كهوف الجهل و الظلام ....الموضوع الهوية ده موضوع "حياه أو موت" .....في بلاد بتدخل حروب عشان هويتها .....في شعوب "زي اليهود" بتزيف تاريخ عشان تخلق هوية و تاريخ .... ...مينفعش أحنا ندفن تاريخنا و أصلنا و نعتبره "درجة تانية" أو نستبدله بحاجة تانية ........و الغريب أن أصلنا و تاريخنا هو الأعظم في العالم كله بلا أستثناء و مع ذلك نجد ناس كتير مش فارقة معها و ناس تانية بتتبرأ من أصلها و تدعي النسب لأصل تاني و دي الكارثة الكبري ...
خليني أجيبها دوغري ....أحنا في بنواجه حرب ل"محو هوية المصرية" و مع الأسف دة برضو بيحصل بأسم الدين .......شيوخ الوهابية و المتأسلمين نجحوا أنهم يغرسوا في عقول فصيل ليس بقليل من هذا الشعب أن الأنتماء لأي شئ غير الدين يعتبر فسق و فجور ....رسخوا في أدمغتهم أن الأنتماء للعروبة هو جزء من الأسلام .....و أن الأسلام جاء ليمحو هوية الأوطان و يقضي علي أصولنا المصرية و يبدلنا بهوية أسلامية عربية .....محاولة كاذبة لتصوير فترة الحكم الأسلامي بالحضارة و التقليل من الحضارة الفرعونية و ما بعدها و صفها بالكفر .....و حقيقي دي شئ عجيب ....لأن في المقام الأول لا يوجد تعارض بين الأسلام أو أي ديانة أخري و بين الجنسية أو العرق ....فالأترك نعتبرهم "أتراك" و مع ذلك مسلمين ....ايه المشكلة؟!!
أقولك أنا ايه المشكلة.... المشكلة هي أنه عايز يمسح بأستيكة شئ أسمة مصر ....عايز يمحو هويتك تماماً .....عايز أنتمائك يبقي للدين و للعروبة ...عايزك تلبس الجلابية و العقال و النقاب و العباية و تبقي عامل زي العرب ....عايزك تهدم التماثيل و المعابد ...عايزك يقنعك أن الحضارة الفرعونية كفر .....عايز يزيف تاريخك و يوهمك أن أعظم حضارة هي الأسلامية "بالرغم من الحقيقة التاريخية أنها كانت أسود فترة علي مدار تاريخ مصر"......عايزك تكره كل ما يتعلق بكلمة "مصر" و بالتالي تكره الدولة و الجيش و الشرطة و تنزل تهتف بالخلافة ..ده المطلوب....لأن مصر بالنسبة له عقدة ...عقدة ملهاش حل غير أنه يغير هوية المصريين و يجعلهم ينتموا اليه ....يبقي ولاءهم للعرب و الوهابيين ...يكرهوا كل تراثهم ...كل رموزهم من أول الفراعنة ...لغاية أم كلثوم و نجيب محفوظ و السادات و عبد الناصر و قاسم أمين و محمد علي و رفاعة الطهطاوي او طه حسين ....أي حد غير أسلامي فهو كافر و زنديق .....
دي عملية ممنهجة و مدروسة و متخطط لها كويس و مع الأسف جابت نتيجة و الدليل الي بنشوفه من المصريين الي فرحانين بداعش و بيكبروا و يهللوا لما جنود من جيشنا تموت ......الناس دي نتيجة عملية غسيل مخ أول خطوة فيها هي أنهم يقنعوا أنه عربي و ليس مصري ...أنهم يغيروا تاريخك و أصلك و هويتك ....
عفواً ....قد نكون بلد عربية بحكم اللغة ...و لكن أصلنا ليس عربياً ...نحن مصريين....نحنكنا أعظم شعوب الأرض و ملوك الحضارة و الثقافة و العلم محت هويتنا و لن نستعيد مكانتنا الا عندما نستعيد هويتنا !!

تحيا مصر.









مواضيع مشابهة :

ليست هناك تعليقات :

إرسال تعليق

جميع الحقوق محفوظة ©2013